香港《生命恩泉》步行籌款活動當日懸掛三號風球，但竟然風和日麗， 咁都仲唔係「主與我同行」？？！！ 香港《生命恩泉》步行籌款活動喺10月26日已順利舉行。步行籌款者先喺上午9時30分响青衣聖多默宗徒堂參與感恩祭，彌撒由《生命恩泉》香港嘅神師甘寶維副主教主祭，黃錦文神父、李志源神父、林銘神父、吳成開神父共祭。 彌撒後，一眾神父同另外幾位星級步行嘉賓，包括：吳智勳神父、張淑婉修女、列國芳修女、鄭德烈執事、王展滔執事等都有參與步行。步行者由聖堂出發，途經青衣公園、青衣運動場、海濱長廊、青衣東北公園、步行至青衣地鐵站。大家都為步行能夠喺異常嘅好天氣之下舉行感到非常感恩。唔少步行者喺完成步行籌款後到《生命恩泉》青衣辦事處參與大會主辦嘅茶敘慶祝。 衷心感謝所有步行者身體力行同埋捐款者慷慨解囊，支持《生命恩泉》的福傳事工！

香港 - 活動花絮2024